عمرك حسيت نبضك ناوي يغادر وبيتغادر
والدمعة في عينك تترجا
وما انتش قادر
و البرد بداء يسري جسمك
يمحي في رسمك
وانت تعافر
طب عمرك حسيت
ان الموت جايلك فارد جناحين
بيقولك مهما تتهرب
هاتروح علي فين
عمرك حسيت
او حتى بنيت من أحلامك
جسر تعدي
وترجك دمعة اولادك
وبصوت مدبوح
كبدي يا ولدي
ودموعك ترسم ف خدودك
لكم مين بعدي
طب عمرك شوفت النور الأبيض
بيدور في السقف
وملايكة تعزف انغامها
بين زمر وصقف
وبرغم القوة وجبروتك
مخلوق من ضعف
عمرك حسيت
بايدين تتمد علي جراحك
من قلب حنون
وايدين بتملس علي شعرك
تفتح جرحك
وتفارق الكون
عمرك حسيت
عمرك حسيت
رغم الغربة حواليك اهلك
و كلمهم كان ليك بلسم
يشفي في جرحك
عمرك حسيت انك خجلان
عمرك حسيت انك عاجز
تشكر انسان
بيصلي وبيدعي لربه
لتكون في امان
برغم عمرك ما قبلتة ولاكلمتة
لاكن قلبه بالخير عمران
